luns, 11 de agosto de 2014

FENE SEN AUGA, RESPONSÁBEL O ALCALDE

O BNG de Fene lamenta que en pleno fin de semana varios milleiros de veciño e veciñas de Fene quedasen sen auga da traída. A falta de atención do alcalde popular Gumersindo Galego á proposta reiterada do portavoz nacionalista Juventino Trigo de que se repoña a tubería das Avenida das Pías foi a causa deste problema.

Como é coñecido o concello de Fene ten reposto as tuberías de fibrocemento antigas quedando so por substituír a Avd. das Pías polas dúas marxes dende a factoría naval ao cruce de Fene. Os cortes se subministro son cada vez máis frecuentes nesta zona debido precisamente á atiguedade da tubería.

As obras están valoradas polo goberno local en máis de 200.000 € e esta foi a razón de non querer acometela. Os nacionalistas incluso propuxemos facela en fases para non investir todo un Plan provincial nesta obra. Os populares que desbotaron a proposta do BNG, agora terán que explicarlle aos veciños e aos negocios como se vive e traballa nunha zona urbana cun servizo de auga interrompido na fin de semana.

Segundo o portavoz nacionalista Juventino Trigo "non é de recibo estar sen auga non tempos que corren cando se coñecía o problema e había cartos para acometela, por isto no BNG reiteraremos a necesidade de ir facendo esta reposición"