mércores, 21 de xaneiro de 2015

O BNG de Fene denuncia o abandono dos pasos de peóns sobre a vía do tren

O Concello de Fene ten abandonado o mantemento dos pasos de peón sobre a vía do tren. En Fene concello existen varios pasos peonís, como o de Barallobre e Perlío, ambos nun estado de abandono que poden provocar accidentes.

No ano 2010 o Concello asinou un convenio co Ministerio de Fomento que 5 anos despois segue sen estar materializado.

A desidia na xestión e a falla de preocupación polo lamentábel estado da vía do tren e as infraestruturas que a rodean é total.

O portavoz do BNG Juventino Trigo, afirmou que “reiterou en numerosas ocasións a necesidade de proceder ao arranxo dos diferentes pasos sobre a vía para garantir a seguridade dos peóns e este goberno foi incapaz de dar unha solución definitiva nin foi quen de esixirlle ao ADIF uns arranxos imprescindibles”.



Paso sobre a vía en Barallobre