Ingresa o teu e-mail e recibe de xeito automático todas as novas que imos subindo.

martes, 17 de abril de 2012

O BNG ESÍXELLE AO ALCALDE DE FENE QUE CUMPRA CO COLECTIVO DE MARISCADORES PECHADOS NO CONCELLO


Os nacionalistas ofrecemos o noso apoio para resolver o conflicto xerado polo impago dos traballos realizados polos mariscadores e mariscadoras nos últimos 6 meses. Logo da moción aprobada por unanimidade no Pleno do xoves pasado para o BNG non é de recibo que o Alcalde non chame á Conselleira e actúe conforme se demandou no Pleno tanto polos Grupos políticos como polos propios afectados.

O Portavoz nacionalista, Manuel Polo, instou ao Alcalde a que pedise unha xuntanza coa conselleira para transmitirlle o acordo aprobado xa que os incumprimentos da Consellería do Medio Rural e Mar son tan graves que  moitas das persoas afectadas polos impagos estanse a ver nunha situación límite e non vale actuar; como fai o Alcalde, pondose de perfil e como se non fose con el. O PP é responsábel político desta desfeita e o Alcalde ten unha obriga co Pleno e cos seus veciños e veciñas.

Ningún comentario:

Publicar un comentario