Dende o BNG de Fene non queremos deixar pasar estas datas sen facer unha lembranza do noso compañeiro Pancho Allegue, que falecía a noite seguinte á Festa Mariñeira de Fene, o 4 de setembro de 2005, dun paro cardíaco, con só 46 anos de idade.
Sindicalista, traballador e defensor incansable do noso sector naval e concelleiro nacionalista de Fene durante 18 anos seguidos, foi e será sempre un referente e un exemplo a seguir para todos/as nós. O seu legado de traballo incansable, de proximidade co pobo e, sobre todo, de limpeza e honestidade, segue moi presente entre os compañeiros e compañeiras do Bloque de Fene.
Alá onde esteas, moitas grazas.
Ningún comentario:
Publicar un comentario