Nova sección VIDEOS

Estreamos a sección de videos deste blog coa ligazón á entrevista feita no programa "Espacio Abierto" da Televisión de Ferrol ao novo portavoz do Grupo Municipal Juventino Trigo.

Juventino Trigo asume a portavocía do BNG de Fene

 
 O grupo municipal do BNG de Fene vén de renovar a súa portavocía en favor do que fora cabeza de lista nas eleccións de 2011, Juventino Trigo. O ata agora portavoz, Manuel Polo, continúa como concelleiro e pasará a substituír ao primeiro na portavocía en caso de ausencia. 

Ademais, dentro dos cambios internos no BNG fenés, aprobados pola asemblea local, está tamén unha re-asignación das comisións municipais aos cinco membros do grupo, de xeito que sempre esté garantida a asistencia dun/dunha representante nacionalista a todas as reunións que se convoquen.

Para formalizar estes cambios, o BNG rexistrou esta semana un escrito (adxunto) no que se comunica oficialmente ao Concello a nova situación.

O BNG DENUNCIA UNHA NOVA TALA DUNHA ÁRBORE EN FENE POR PARTE DO GOBERNO DO PP

O BNG rexistra unha nova queixa por escrito ao alcalde en relación á talas de ábores no concello. Logo de máis de 31 meses de goberno do PP vense caracterizando pola tala e poda de árbores inxustificadamente.

 

Nos últimos días a concellaría de servizos procedeu á amputación dos plátanos sitos no parque de educación viaria en Barallobre, e hai dous días perpetrouse o último episodio arborícida do goberno do Concello de Fene, consistente na tala e derrubo do chopo de gran porte sito entre a Casa da Cultura e a pista da Fonte do Campo, árbore que durante decenios acompañou aos veciños de Fene en tardes soleadas e festas patronais.

 

Por isto o portavoz do BNG no concello, Manuel Polo, solicítalle ao alcalde o cese inmediato de talas e podas salvaxes que se están levando a cabo durante esta lexislatura e que están rematando co patrimonio público natural. Ademais desde o BNG pensamos que é necesario que a concellería de Medio Ambiente estea dirixida por unha persoa cun mínimo de sensibilidade medio ambiental.

 

Por último vemos necesario a elaboración dun catalogo municipal de especies arbóreas en zonas públicas, no cal, a parte de estar representadas as árbores que aínda hai nos espazos públicos, figure a protección especial das especies que polas súas características (lonxevidade, porte, rareza, escasez...) as fagan especiais. Así poderíase evitar que no futuro, baixo calquera desculpa peregrina ou absurda, algún concelleiro ou grupo de goberno deixe orfas ás novas xeneracións de poder desfrutar dun patrimonio que durante ducias de anos outros se preocuparon de plantar e coidar.

 

 

 

 

 

O BNG DE FENE TRASLADA AO ALCALDE AS QUEIXAS DAS PERSOAS USUARIAS DA PISCINA MUNICIPAL DE CENTIEIRAS

Os nacionalistas de Fene trasladan ao goberno local as queixas das persoas usuarias da piscina municipal de Centieiras. Esta instalación leva tempo con problemas nas caldeiras que quentan a auga tanto do vaso da piscina como das duchas.

 

Nos últimos anos a instalación veu dando problemas na súa maquinaria pero neste inverno é especialmente constante o problema de baixada de temperatura na auga e tamén os problemas no ar, que tanto pode estar moi alto como moi baixo.

A piscina de Centieiras atende a unha poboación moi importante con usos principalmente educativos, de saúde e de lecer. Con este tipo de perfil de usuario é imprescindíbel ter unha temperatura próxima aos máximos legais permitidos

O BNG traslada esta queixa que é de todo o mundo coñecida, para que se resolva o máis axiña o problema xa que desde o goberno local non se actúa coa dilixencia precisa en resolver problema.

Despedida de ano

Fin de 2013

O BNG de Fene convida a todo o conxunto da militancia e simpatizantes a despedir o 2013 o vindeiro luns 30 a partir das 20.30 horas.

                 
O BNG de Fene propón unha actividade festiva para despedir o ano no noso local (Avda. Naturais 41-43 traseira) este luns 30 ás 20.30 horas.

Trátase de xuntarnos para agradecer o traballo e o apoio recibido, brindar e tomar algo xuntos/as.



Gostaríamos de contar coa túa/vosa presenza! Unha aperta.

O BNG DE FENE PESENTA UNHA MOCIÓN PARA QUE SE GARANTA O SUBMISTRO ELÉCTRICO ÁS PERSOAS SEN RECURSOS

O GM do BNG de Fene presenta, ante a indiferencia do PP, unha moción para que se tomen mendidas lexislativas que impidan o corte do subminstro eléctrico ás persoas con menos recursos. Concretamente propóñense ao Pleno os seguintes acordos:

 

1) Realizar as modificacións lexislativas necesarias para garantir o subministro enerxético ás familias que estean en situación de pobreza e, entre tanto, adopte medidas prácticas para evitar as dramáticas consecuencias desta problemática nos fogares galegos máis desfavorecidos.

 

2) Demandar do Goberno do Estado español que non incremente o recibo da luz para o 2014.

 

3) Solicitar do Goberno do Estado español que permita a creación dunha tarifa eléctrica galega que, atendendo á condición de Galiza como excedentaria na produción de electricidade, posibilite unhas menores tarifas tanto para o consumo doméstico como para as empresas.

As razóns da presentación desta moción son os milleiros de persoas que en Galiza e no Estado viven na pobreza e padecen a pobreza enerxética. No conxunto do Estado Español hai 2,2 millóns de nenos e nenas que viven por baixo do limiar da pobreza.

O goberno local debe garantir por medio da administración municipal e dos servizos sociais públicos o apoio as persoas que o precisaren e tamén debe impulsar diante do Estado español e da Xunta de Galiza iniciativas para que a prestación de servizos básicos destinados aos grupos máis desfavorecidos e medidas específicas dirixidas a persoas en risco de exclusión social e con necesidades especiais permitan contribuír a garantir o benestar, a saúde e calidade de vida nesta situación dramática que padecen.

O goberno do Estado español xustifica o fortísimo incremento do recibo da luz dos últimos anos nun suposto déficit tarifario. Cómpre avogar, pois, por uha reforma a fondo da normativa do sector eléctrico, tanto para corrixir os denominados inxustos e elevados beneficios que se xeran co formato actual de poxas de enerxía no mercado maiorista, co que se poría fin á escalada no incremento do déficit da tarifa, como para retornar a un modelo de maior intervención e control nun servizo esencial como o subministro eléctrico aos fogares, cuxa liberalización demostrou que beneficia exclusivamente ás grandes empresas enerxéticas a custo dunha política abusiva coa maioría das persoas abonadas. 

 

 

 

 

 

 

Díptico sobre o naval