Fene, presente no debate de política xeral do Estado

Intervención de Olaia F. Davila no debate de política xeral do Estado, onde Fene, como tantas outras veces, estivo presente (a partir do minuto 5:28 para os que teñan presa)

Se o bloque está, Galiza e Fene tamén están!

ILP polo dereito a contemplar a obra plástica de Castelao

Onte na Sociedade O Pote de Maniños tivo lugar unha interesante charla sobre a Iniciativa Lexislativa Popular polo dereito a contemplar a obra plástica de Castelao organizada pola Sociedade Medulio con comentarios dos pintores Ladislau da Regueira e Antonio Rivas e a contextualización histórica de Francisco Rodríguez. 

Desde o BNG de Fene apoiamos totalmente esta iniciativa así como poñemos a disposición de quen nolo solicite a folla para asinar para que esta proposta sexa debatida no Parlamento.

O BNG de Fene denuncia o abandono dos pasos de peóns sobre a vía do tren

O Concello de Fene ten abandonado o mantemento dos pasos de peón sobre a vía do tren. En Fene concello existen varios pasos peonís, como o de Barallobre e Perlío, ambos nun estado de abandono que poden provocar accidentes.

No ano 2010 o Concello asinou un convenio co Ministerio de Fomento que 5 anos despois segue sen estar materializado.

A desidia na xestión e a falla de preocupación polo lamentábel estado da vía do tren e as infraestruturas que a rodean é total.

O portavoz do BNG Juventino Trigo, afirmou que “reiterou en numerosas ocasións a necesidade de proceder ao arranxo dos diferentes pasos sobre a vía para garantir a seguridade dos peóns e este goberno foi incapaz de dar unha solución definitiva nin foi quen de esixirlle ao ADIF uns arranxos imprescindibles”.

Paso sobre a vía en Barallobre

Asemblea Aberta e despedida do ano no noso local

Este luns 29 de decembro o BNG de Fene impulsaremos unha nova Asemblea Aberta no noso local de Fene (Avda. Naturais 41-43 traseira) tras as organizadas en Perlío, Limodre, Maniños, Barallobre, San Valentín, Sillobre, San Marcos e Magalofes seguimos a perfilar a candidatura e ideas para o programa das vindeiras eleccións municipais de maio de 2015.

Ao remate teremos os nosos tradicionais pinchos para despedir este ano e brindar polo novo. Ambos os dous actos son de carácter totalmente aberto a toda a cidadanía. Acude e participa!

O PP racha o consenso para aprobar plans de obras no Concello de Fene

O BNG lamenta a ruptura unilateral, do Alcalde de Fene, do acordo que existiu en Fene nos últimos anos de consensuar as obras e servizos a implementar nos diferentes Plans de obras.

Para o portavoz nacionalista Juventino Trigo ”Galego entra en campaña chantaxeando á oposición cun plan de asfaltados que pretende dar a dedo, xogo no que o BNG non vai entrar” continúa Trigo afirmando “aprobaron en xullo o orzamento na xunta de goberno e agora pretenden que o BNG lles resolva as súas chapuzas, sen transparencia, participación cidadá e dos grupos da corporación, nada”.

Propostas alternativas, o BNG tiña expresado a necesidade de repoñer a tubaxe da auga da traída da Avenida das Pias, esta obra supera os 300.000€ e o Alcalde perdeu unha oportunidade. Hai que lembrar que logo de varias roturas menores o pasado mes de agosto máis de 5.000 persoas quedaron unha fin de semana sen auga por unha rotura importante.

No Pleno extraordinario celebrado o venres 28 de novembro, o Alcalde Gumersindo Galego trasladou 3 propostas, das cales dúas obtiveron a unanimidade de Pleno por estar acordadas, como foron:

• O primeiro ponto o POS (plan de obras e servizos do ano 2015), Plan de obras financiado pola deputación provincial en máis de 200.000€. 

• O terceiro tema foi unha proposta alternativa prensentada o luns pasado polo BNG e que agora recolle o goberno para modificar unhas partidas orzamentarias por 28.000€.

• E o segundo tema da orde do día unha modificación de creto, que rexeitou a oposición, de 375.000 € para asfaltados. 

Este último plan de obras municipal foi unha chantaxe á oposición, “OU ISTO OU OS CARTOS PARA OS BANCOS" foron as palabras do alcalde.

Curtas sobre violencia de xénero no local do BNG de Fene

Os nacionalistas feneses convidan a toda a cidadanía a participar no visionado de varias curtametraxes relacionadas coa violencia machista. Un ano máis, o local do BNG abre as súas portas á participación neste acto que conmemora a celebración do 25 de Novembro e no que toda a veciñanza ten cabida.

Será este venres, 28 de novembro, a partir das 19.30 horas. Tralo visionado das curtas haberá un foro de debate e, a continuación, unha degustación de cogomelos recollidos nos montes da zona.

Animádevos a participar!!

  ABRE OS CADEADOS, QUEN TE ENCERRA NON TE QUERE  

Páxina sobre o 25n na web nacional

http://bng.gal/abre-os-cadeados-se-te-amarran-non-ten-queren/

O ALCALDE DE FENE MINTE!

Juventino Trigo reta ao alcalde de Fene que demostre as súas afirmacións sobre que o recibo da contribución é igual agora que en 2002

Que o pobo de Fene mire o seu recibo da contribución hoxe e o de hai 12 anos. Os nacionalistas retamos ao alcalde a que demostre que hai un so recibo do IBI en todo o concello do co mesmo valor de 2002 . Non pode demostralo, porque minte. O PP subiu un 5,94% o IBI no 2012, pasando do 0,64 ao 0,6784.

Gumersindo Galego minte cando afirma que o tipo impositivo é igual hoxe que en 2002 cando gobernaba o BNG. Na máis pura liña PP, estercar sobre o traballo dos demais e non aceptar as críticas, aínda sendo construtivas e ir na dirección de favorecer á maioría social.

Mentiu coa regularización catastral en vigor e minte agora, en lugar de favorecer ás familias con bonificacións e exencións nas taxas e impostos o que fai e deslexitimar a proposta do BNG mentindo. 

Hoxe unha vivenda cun valor catastral de 80.000 € paga 542€ de contribución fronte a 464€ que pagaría co tipo impositivo do ano 2002. Hai unha segunda variable que inflúe, o valor catastral. Na revisión do 2005 feita polo BNG actualizáronse os valores polo que en si mesmo xa supuxo un incremento no imposto sen mover o tipo. Algo semellante vai pasar agora a todas as propiedades obxecto da regularización catastral posta en marcha hai uns meses.

Cadro dos valores catastrais en Fene e a súa evolución 2000-2014

Ano	Revisión catastral	Tipo impositivo	Incremento	tipo rustico	Alcaldía
2014	2005	0.678	0.00%	0.64	PP
2013	2005	0.678	5.94%	0.64
2012	2005	0.64	0.00%	0.64
2011	2005	0.64	0.00%	0.64
					PSOE
2010	2005	0.64	0.00%	0.64
2009	2005	0.64	0.00%	0.64
2008	2005	0.64	3.23%	0.64
2007	2005	0.62	0.00%	0.62
					BNG
2006	2005	0.62	0.00%	0.62
2005	2005	0.62	0.00%	0.62
2004	1989	0.62	3.33%	0.62
2003	1989	0.6	3.45%	0.59
2002	1989	0.58	3.73%	0.57
2001	1989	0.51	0.00%	0.55
2000	1989	0.51	0.00%	0.55

En canto á débeda volta a mentir, xa que o endebedamento de Fene nunca superou o 50% do máximo legal establecido. Nunca a débeda foi o problema de Fene, se non as tensións en tesourería, de feito ate o ano 2012 gobernando xa o PP os pasivos financeiros foron os máis altos da historia debido aos intereses da débeda e do pago anticipado de cretos. Primeiro os bancos!

Por último hai que lembrar que unha das medidas “anti crise”que tomou o PP en 2012 foi impedir que os concellos pedisen cretos, como consecuencia a débeda baixa.